சிலேடை

வாழ்க்கை  என்பது  வாழ்ந்திடத்தான் -உலகின் 

வசந்தங்கள்  யாவும்  வாங்கிடத்தான் 

நேசம்கொண்டு   இருந்திடத்தான்-இனி

நேற்று  என்பதை  மறந்திடத்தான்   (வாழ்க்கையென்பது )

பாட்டுக்கள் யாவும் பாடிடத்தான் -மேடையோ 

பாவங்கள் கொண்டு ஆடிடத்தான் 

 நிலவும் வானில் காய்ந்திடத்தான் -அதில் 

 நீயும் நானும் சேர்ந்திடத்தான்          (வாழ்க்கையென்பது)

வாசல்தேடி வந்திடத்தான் -இந்த 

வாசம் என்பது முகர்ந்திடத்தான்

கன்னங்கள் இருப்பது முத்தாடத்தான் -உந்தன் 

கைகளினால் வந்து தொட்டாடத்தான்    (வாழ்க்கையென்பது )

இரவுகள் முழுக்க நீட்டித்திடத்தான் -என்னில் 

உறவு  கொண்டு இருந்திடத்தான் 

வரவுகள் கூட சேர்த்திடத்தான்-நல்ல 

செலவுகள் யாவும் செய்திடத்தான்          (வாழ்க்கையென்பது )

இப்பாடல் ஒரு ஆண் பாடினாலும் பொருள் கிடைக்கும்.

ஒரு பெண் பாடினாலும் இருபொருள் கிடைக்கும்.